सयाजीराव महाराज प्रकल्पात काय आहे? 

प्रल्हाद जी . लुलेकर

बाबा भांड यांचे मराठी साहित्यातील लेखन कार्य मौलिक स्वरूपाचे आहे .. कथा , कादंबरी , ललित , वैचारिक , संपादन अशा वैविध्यपूर्ण साहित्य प्रकारात त्यांनी भरीव योगदान दिले आहे . महाराजा सयाजीराव यांच्या सर्वच क्षेत्रातील अतुलनीय कार्याचे अनंत पैलू भारतीयांसमोर आणण्याचे कार्य त्यांनी केले आहे . यासाठी त्यांनी केलेले स्वतंत्र लेखन आणि संपादन हा अजोड परिश्रमाचा उत्तम वस्तुपाठच निर्माण केला आहे . भारतीय साहित्यात एवढी मोठी कामगिरी करणारे उदाहरण दुसरे नाही . महाराजा सयाजीराव यांनी स्वातंत्र्यपूर्व काळातील कार्य स्वातंत्र्य चळवळीसाठी , सामाजिक चळवळीसाठी , राजकीय आणि सांस्कृतिक कार्यासाठी अनेकांना प्रेरक ठरले आहे . गुजरात सरकारने या कार्यासाठी पुढाकार घेऊन जे करायला हवे होते ते कार्य बाबा भांड यांच्यामुळे महाराष्ट्र सरकारने हाती घेतले .. आणि स्वतःला या कार्यासाठी अव्याहतपणे झोकून देत मौलिक ऐवज देशासाठी दिला . ही सांस्कृतिक समृद्धी बाबा भांड यांच्यामुळे साध्य झाली .. मराठी समाज , साहित्य आणि संस्कृती यासाठी बाबा भांड यांच्या योगदानाबद्दल कायम ऋणी राहील ..